ડાયાબિટીસ અને હૃદય
અન્ય લોકો કરતા ડાયાબિટીસના દર્દીઓને હૃદયરોગ તથા બ્લડ પ્રેશર થવાની શકયતા ઘણી વધારે હોય છે. ડાયાબિટીસમાં હૃદયને લોહી પહોંચાડતી નળીઓ સાંકડી થઇ જાય છે તેથી હૃદયને લોહી ઓછું મળે છે અને હૃદયનો હુમલો આવે છે. લાંબા સમયના ડાયાબિટીસના કારણે, અમુક દર્દીઓ હાર્ટ એટેક ચાલુ હોય ત્યારે છાતીમાં દુ:ખાવો ઓછો થાય છે અથવા તો બીલકુલ થતો નથી.
ડાયાબિટીસમાં હૃદય રોગનું જોખમ વધારે કોને હોય શકે ?
- વધારે બ્લડપ્રેશર
- વધારે કોલેસ્ટ્રોલ
- હૃદયની બીમારીનો વારસો
- મેદસ્વી શરીર
- ધુમ્રપાન કરનાર
- બેઠાળુ જીવનશૈલી
- માનસિક તણાવ
હૃદય રોગના લક્ષણો
- છાતીમાં દુ:ખાવો અથવા બેચેની
- ડાબા હાથ અથવા ખંભામાં દુ:ખાવો
- ખુબ જ પરસેવો વળવો.
- પીઠમાં દુ:ખાવો થવો
- છાતી ભારે લાગવી
- શ્વાસ લેવામાં તકલીફ પડવી
- ખુબ જ થાક લાગવો
- લાંબુ બોલતા સમયે શ્ર્વાસ ચડવો
- પગમાં સોજા રહેવા
હૃદયરોગનું પ્રમાણ કેવી રીતે ઘટાડી શકાય ?
- ડાયાબીટીસ, બ્લડ પ્રેશર તથા કોલેસ્ટ્રોલને સંપૂર્ણ કાબુમાં રાખવા.
- નિયમિત કસરત કરવી.
- તેલ, નીમક તથા ચરબી ઓછા હોય તેવો ખોરાક લેવો.
- નિયમિત સમયે ઇસીજી, ઇકોકાર્ડીયોગ્રાફી કરાવવા.